Mikel Arteta ៖ បើយើងលេងតែរបៀបដូចប៉ះ Inter នេះពេលប៉ះ Chelsea ច្បាស់ណាស់យើងមិនអាចឈ្នះទេ
លោក MiKel Arteta អ្នកចាត់ការរបស់កាំភ្លើងធំ Arsenal បាននិយាយថា «ប្រសិនបើយើងលេងដូចដែលដូចតែរបៀបដែលយើងលេងប៉ះ Inter Milan នេះច្បាស់ណាស់ពេលប៉ះ Chelsea យើងនឹងមិនអាចលេងឈ្នះពួកគេឡើយ។ ការលើកឡើងនេះបន្ទាប់ពីកាំភ្លើងធំ Arsenal បានបរាជ័យក្រោមថ្វីជើង Inter Milan ១-០ ក្នុងការប្រកួត UEFA Champions League សប្ដាហ៍ទី៤នៅទឹកដីរបស់ Inter Milan កាលពីយប់ថ្ងៃទី៦ឈានចូលថ្ងៃទី៧ខែវិច្ឆិកា ឆ្នាំ២២០៤។ ១គ្រាប់ដែលចាញ់១-០នោះកើតឡើងដោយបាល់ប៉េណាល់ទីនៅនាទី៤៥+៣ ដែលទាត់បញ្ចូលទីបានសម្រេចដោយកីឡាករ H.CAlhanoglu ។ ជំនួបរវាង Arsenal និង Chelsea នឹងធ្វើឡើងនៅចុងសប្ដាហ៍នេះគឺយប់ថ្ងៃអាទិត្យទី១០ខែវិច្ឆិកា ឆ្នាំ២០២៤ នៅទឹកដីរបស់តោខៀវ។ ការបរាជ័យរបស់ Arsenal នៅ UCL យប់មិញនេះគឺជាការបរាជ័យលើកទី១ក្នុងចំណោម៤លើកនៃការប្រកួតសន្សំពិន្ទុពានរង្វាន់មួយនេះពោលគឺ៤ប្រកួតឈ្នះ២ស្មើ១ និងចាញ់១ មាន៧ពិន្ទុ៕ Daro Ly
កាំង ម៉ុយនីន៖ ជោគជ័យទាំងហែលទឹក និងការសិក្សា ខណៈទើបឈ្នះមេដាយ ៦គ្រឿងពីរព្រឹត្តិការណ៍ហែលទឹកពាក់ជើងទាអាស៊ីអាគ្នេយ៍
កាំង ម៉ុយនីន៖ ជោគជ័យទាំងហែលទឹក និងការសិក្សា ខណៈទើបឈ្នះមេដាយ ៦គ្រឿងពីរព្រឹត្តិការណ៍ហែលទឹកពាក់ជើងទាអាស៊ីអាគ្នេយ៍ ចន្លោះមិនឃើញ កីឡាការិនីឆ្នើមរបស់កម្ពុជា កាំង ម៉ុយនីន បញ្ជាក់ថាខ្លួនពិតជាជម្នះធ្វើបានគឺជោគជ័យទាំងកីឡាហែលទឹក និងការសិក្សា ដោយទើបជាប់បាក់ឌុបផង និងទើបឈ្នះមេដាយ ៦គ្រឿងពីព្រឹត្តិការណ៍ប្រកួតហែលទឹកពាក់ជើងទាអាស៊ីអាគ្នេយ៍ផង។ រូបភាពសហព័ន្ធខ្មែរកីឡាហែលទឹក យុវតី កាំង ម៉ុយនីន បង្ហាញក្ដីរំភើបជាខ្លាំងបន្ទាប់ពីរូបគេទទួលបានជោគជ័យជាបន្តបន្ទាប់ពីការឈ្នះមេដាយសរុប ៦គ្រឿងនៅព្រឹត្តិការណ៍ប្រកួតហែលទឹកពាក់ជើងទាអាស៊ីអាគ្នេយ៍ ដែលកម្ពុជាជាម្ចាស់ផ្ទះផង និងលទ្ធផលជាប់បាក់ឌុបនិទ្ទេស B ថ្មីៗនេះទៀត។ រូបភាពសហព័ន្ធខ្មែរកីឡាហែលទឹក ម្ចាស់មេដាយមាសស៊ីហ្គេម ឆ្នាំ២០២៣ រូបនេះបន្ថែមទៀតថា ខ្លួនពិតជាមានមោទកភាពជាខ្លាំងក្នុងនាមជាកីឡាការិនីផង និងជាសិស្សផងដែលធ្វើបានល្អទទួលបានជោគជ័យបែបនេះ។ ម៉ុយនីន បញ្ជាក់ច្បាស់ៗថា «ការលេងកីឡាមិនអាចបញ្ឈប់អ្នកពីការសិក្សាបាននោះទេ»។ ការប្ដេជ្ញាចិត្តរបស់កីឡាការិនីឆ្នើមរូបនេះចាប់តាំងពីបញ្ចប់ព្រឹត្តិការណ៍ស៊ីហ្គេម ឆ្នាំ២០២៣ មកម្ល៉េះរហូតសម្រេចបានប្រឡង់ជាប់បាក់ឌុបនៅឆ្នាំនេះ។ រូបភាពសហព័ន្ធខ្មែរកីឡាហែលទឹក បញ្ជាក់ដែរថា កាំង ម៉ុយនីន ជាកីឡាការិនីឆ្នើមមួយរូបរបស់កម្ពុជា ពិសេសលើវិញ្ញាសាហែលពាក់ជើងទានេះតែម្ដង។ ជើងខ្លាំងរូបនេះទើបឈ្នះមេដាយ ៦គ្រឿង មាស២ ប្រាក់៣ សំរឹទ្ធ១ ក្នុងព្រឹត្តិការណ៍ប្រកួតហែលទឹកពាក់ជើងទា អាស៊ីអាគ្នេយ៍ លើកទី១ នៅកម្ពុជា។ សហព័ន្ធខ្មែរកីឡាហែលទឹកបានរៀបចំការប្រកួតហែលទឹកពាក់ជើងទា អាស៊ីអាគ្នេយ៍ លើកទី១…